Saqtandyrý uıymdarynyń taza paıdasy 165% artqan

ASTANA. QazAqparat – Jyl basynan beri eldegi saqtandyrý uıymdary 87 mdrd teńge taza paıda tapqan, dep habarlaıdy QazAqparat tilshisi.

«2023 jylǵy 1 maýsymdaǵy jaǵdaı boıynsha saqtandyrý sektorynyń taza paıdasy 87 mlrd 241 mln teńge boldy. Bul - ótken jyldyń osyǵan uqsas kezeńimen salystyrǵanda 165% artyq», - dep jazylǵan Qarjy naryǵyn retteý jáne damytý agenttiginiń saqtandyrý sektorynyń jaǵdaıy týraly sıpattamasynda.

Agenttik deregine sensek, saqtandyrý sektoryndaǵy aktıvterdiń eldegi jalpy ishki ónimdegi úlesi 2,15% bolyp otyr. Al saqtandyrý syılyqaqylarynyń JІÓ úlesi – 0,79%. Saqtandyrý syılyqaqylarynyń kólemin adam basyna shaqsaq, árbir qazaqstandyqqa 42 300 teńgeden keledi.