Saqtandyrý uıymdarynyń mindettemeleri artty- QR Ulttyq banki
Ulttyq banktiń habarlaýynsha, 1 qarashadaǵy jaǵdaı boıynsha saqtandyrý sektorynda 32 saqtandyrý uıymy jumys isteıdi. Saqtandyrý uıymdary aktıvteriniń jıyntyq kólemi 2017 jylǵy 1 qarashaǵa 921,5 mlrd. teńge boldy.
«Saqtandyrý uıymdarynyń mindettemeleri jyl basynan beri 502,0 mlrd. teńgege deıin 10,4%-ke ulǵaıdy. Saqtandyrý uıymdary qoldanystaǵy saqtandyrý jáne qaıta saqtandyrý sharttary boıynsha qabyldanǵan mindettemelerdiń oryndalýyn qamtamasyz etý úshin qalyptastyrǵan saqtandyrý rezervteriniń kólemi jyl basynan beri 459,4 mlrd. teńgege deıin, 11,3%-ke ósti. Menshikti kapıtal 419,5 mlrd. teńgeni (ósý jyl basynan 4,3%) qurady. Saqtandyrý syılyqaqylary 2017 jylǵy 1 qarashadaǵy jaǵdaı boıynsha 2016 jylǵy sáıkes kórsetkishpen salystyrǵanda 311,9 mlrd. teńgege deıin nemes 2,6%-ǵa ulǵaıdy, onyń ishinde tikeleı saqtandyrý sharttary boıynsha qabyldanǵan saqtandyrý syılyqaqylarynyń kólemi 280,1 mlrd. teńge boldy», delingen habarlamada.
Ulttyq bank 2017 jylǵy 9 aıdyń qorytyndysy boıynsha «ómirdi saqtandyrý» salasy boıynsha saqtandyrý syıaqylary 2016 jyldyń uqsas kezeńmen salystyrǵanda 53,9 mlrd. teńgege deıin nemese 22,9%-ke ulǵaıǵandyǵyn málim etti.
«Ómirdi saqtandyrý» salasy boıynsha jıyntyq saqtandyrý syılyqaqylarynyń úlesi 2016 jylǵy 1 qarashada 14,4% bolsa, qazir 17,3%-ti qurap otyr. Qaıta saqtandyrýǵa berilgen saqtandyrý syılyqaqylarynyń kólemi 109,6 mlrd. teńgeni nemese saqtandyrý syılyqaqylarynyń jıyntyq kóleminiń 35,1%-in qurady. Qaıta saqtandyrýǵa berilgen saqtandyrý syılyqaqylarynyń 84,0%-i Qazaqstan Respýblıkasy beırezıdentterine qaıta saqtandyrýǵa berildi. 2017 jyldyń basynan beri tólengen saqtandyrý tólemderiniń jalpy kólemi (qaıta saqtandyrýǵa qabyldanǵan sharttar boıynsha júzege asyrylǵan saqtandyrý tólemderin shegergende) 61,1 mlrd. teńge boldy, bul 2016 jylǵy osyǵan uqsas kezeńnen 12,8%-ke az», - delingen habarlamada.
