Saqtandyrý taqyrybyndaǵy VI Halyqaralyq ǵylymı-tájirıbelik baıqaý qorytyndylary jarııalandy

«Eýrazııa» Saqtandyrý kompanııasy uıymdastyrǵan baıqaýǵa Almaty qalasy Jastar saıasatyn damytý memlekettik qory men Qazaqstan JOO qaýymdastyǵy qoldaý kórsetti. Joba maqsaty elimizde saqtandyrý ındýstrııasyn damytyp, qabiletti stýdentter arasynan saqtandyrý naryǵyna qajetti bilikti mamandardy daıarlaý bolyp tabylady.

Baıqaý ótken jylǵy qazan men jeltoqsan aılary aralyǵynda júrgizilgen. Oǵan Qazaqstanmen birge, TMD-nyń basqa da memleketteri JOO-nyń stýdentteri, magıstranttary jáne aspıranttary qatysqan. «Eýrazııa» SK» AQ basqarma múshesi, atqarýshy dırektory Qýanysh Dáýitovtyń aıtýynsha, ótken jyly 300 joba qatysqan bolsa, bıyl baıqaýǵa 500-den asa joba kelip túsken.

Qorytyndy boıynsha, «Saqtandyrý bıznesindegi Haı-tek» atalymy boıynsha bas júldeni 150 myń teńge stıpendııamen «Turan» ýnıversıtetiniń stýdenti Ulpan Eljanova jeńip alǵan. «Saqtandyrý óneri» atalymynda QMEBI stýdentteri ıAroslav Vasıtskıı pen Andreı Grınenko birlesken jumystary úshin 100 myń teńgeniń ekinshi orynyn ıelense, «Saqtandyrý álemine ashylǵan tereze» atalymynda Qorqyt ata atyndaǵy Qyzylorda memlekettik ýnıversıtetiniń stýdenti Álııa Aqanova jáne «Turan» ýnıversıtetiniń stýdenti Kámıla Nurjaevalar 50 myń teńge júldesimen úshinshi oryndy ıelengen.

Sonymen qatar, bıyldan bastap «Eýrazııa» SK» AQ baıqaýda kózge túsken úzdikterdiń arnaıy qurylǵan Saqtandyrý ınjenerııasy zerthanasynda tájirıbeden ótýge jaǵdaı jasap otyr.