Saqtandyrý ombýdsmanyna saqtandyrý uıymdary men olardyń tutynýshylary arasyndaǵy qarym-qatynasty retteý quqyǵy berildi
ALMATY. Maýsymnyń 2-si. QazAqparat /Erbol Azanbek/ - Búgin Almatyda saqtandyrý uıymdary men saqtandyrý ombýdsmany «Erikti saqtandyrý naryǵyn damytýda birlesip áreket etý jáne ózara yqpaldastyq týraly» memorandýmǵa qol qoıdy,
dep habarlaıdy QazAqparat.
Atalǵan memorandýmǵa sáıkes saqtandyrý ombýdsmanyna saqtandyrý uıymdary men olardyń tutynýshylary arasyndaǵy qarym-qatnasty retteý quqyǵy beriledi. Máselen, tutynýshy saqtandyrý kompanııasynan tólem ala almaǵan jaǵdaıda saqtandyrý ombýdsmanyna shaǵymdana alady. Eger ombýdsmannyń sheshimimen kelispegen jaǵdaıda sotqa júgine alady. «Memorandým tutynýshylarǵa saqtandyrý kompanııalary arasynda daý-damaıdy retteý, daýly máselelerdi qaraý úrdisterin jeńildetý múmkindigin beredi», deıdi Qazaqstannyń saqtandyrý ombýdsmany Vıtalıı Verevkın. Onyń aıtýynsha, buǵan deıin tutynýshylar daýly máseleler týyndaǵan jaǵdaıda sotqa júginip, zańger jaldap shyǵyndanyp jatatyn. Endigi ýaqytta olar óz narazylyqtaryn tegin túrde ombýdsmanǵa bildire alady.
Atalǵan memorandýmǵa qazaqstandyq 15 saqtandyrý kompanııasy qol qoıdy. «Sentras Inshýrans» saqtandyrý kompanııasynyń basqarma tóraǵasy Talǵat Úsenovtiń aıtýynsha, bul memorandým saqtandyrý mádenıetin kóterýge jasalǵan qadamnyń biri bolmaq.
