Saqtandyrý naryǵyndaǵy ósim aldaǵy jyldarda da jalǵasady
ALMATY. 28 mamyr. QazAqparat - 2017 jyly Astanada ótetin EHRO kórmesi saqtandyrý naryǵynyń damýyna oń yqpalyn tıgizedi.
Kompetenz saqtandyrý kompanııasynyń qarjylyq máseleler jónindegi basqarýshy dırektory Azat Atambaev búgin Almatyda 2012 jylǵy qyzmettiń aýdıttelgen qorytyndysyn jarııalaýǵa arnalǵan basqosýda osylaı aıtty.
«Statıstıkaǵa qaraıtyn bolsaq, jalpy saqtandyrý naryǵy boıynsha jınalǵan syıaqy 163 mlrd. teńgeni quraıdy. Alǵashqy toqsanda ol 53 mlrd. teńge boldy. Al byltyrǵy jyldyń sáıkes kezeńinde 45 mlrd. teńge bolǵan edi. Bizdiń boljamymyz boıynsha 2013 jyl saqtandyrý naryǵy úshin sátti jyl bolady. Sonymen qatar turaqty makroekonomıkalyq jaǵdaıda saqtandyrý naryǵynyń ósimi aldaǵy 3-5 jylda budan ary qaraı jalǵasady», - deıdi A. Atambaev. Bul ósimge jalpy ishki ónimniń ósýi men halyqtyń ál-aýqatynyń jaqsarýy óz yqpalyn tıgizedi. Sondaı-aq údemeli ındýstrııalyq-ınnovatsııalyq memlekettik damý baǵdarlamasy men «EHRO-2017» kórmesi boıynsha jasalatyn ınvestıtsııalar jalpy saqtandyrý naryǵynyń damýyna óz septigin tıgizedi. Bul eń aldymen qurylys, múlik pen jaýapkershilik táýekelin saqtandyrýda aıqyn ańǵarylady. Banktik nesıeleý kólemi ulǵaıyp, ekonomıka birtindep qalpyna kelip, ártaraptaný úderisi qarqyn alady.
