Saqtandyrý qujaty boıynsha satyp alynǵan kólik qandaı táýekelge alyp keledi
NUR-SULTAN. QazAqparat – QR ІІM Ákimshilik polıtsııa komıteti tóraǵasynyń orynbasary Serik Túsipov avtokólikti zańnama talaptaryna saı tirkeýge qoıýǵa keńes berdi, dep habarlaıdy QazAqparat tilshisi.
«Qazaqstan azamattary tarapynan shetelde, onyń ishinde EAEO elderinde tirkelgen kóliktirdi paıdalanýy taqyrybyna toqtalsaq, olardy paıdalaný tártibi Qazaqstan zańnamasynda aıqyndalǵan. Іshki ister mınıstrligi azamattar múddelerin qorǵaý úshin kez kelgen kólik quralyn satyp alý boıynsha sharttardy zańnamada belgilengen tártipte júrgizýge keńes beredi. Avtokólikti saqtandyrý qujaty boıynsha alý azamattar úshin tıisti táýekelderge alyp keledi. Eger atalǵan kólik izdeýde bolsa nemese ony paıdalanýǵa tyıym salynsa, onda el azamattary bul avtomobılden jáne ony alýǵa jumsaǵan qarajatynan birjola aıyrylýy múmkin», - dedi S. Túsipov onlaın brıfıngide.
Osy oraıda ol kólik quralyn satyp alý men ony tirkeý zańnamada eskerilgen tártipte júrgizilýi kerek ekenin atap ótti.
«Bul óz kezeginde kúdik týdyratyn, ıaǵnı krımınaldy nemese paıdalanýǵa jibirilmegen kólikterdi satyp alýdan saqtandyrady. Ekinshiden, azamattardyń satyp alǵan kóligine qatysty múliktik quqyǵyn qorǵaýǵa múmkindik beredi», - dedi vedomstvo ókili.
Budan buryn habarlanǵandaı, bıylǵy 7 aıda jol erejesin buzýdyń 4 mln-ǵa jýyq jaǵdaıy anyqtaldy.
Sonymen qatar S. Túsipov jaıaý júrginshilerdiń tártibine qatysty problemany aıtty.
