Saqtandyrý qory Ertis óńiriniń medıtsınalyq uıymdaryna 21,8 mlrd teńge tóledi
Pavlodar oblysy boıynsha qor fılıalynyń dırektory Ardaq Sıtqazınov atap ótkendeı, jumys josparǵa sáıkes júzege asyrylýda.
- Jumys ýaqytyly ári keste boıynsha jalǵasýda, - deıdi Ardaq Sıtqazınov. - Bólingen qarjy medıtsınalyq mekemelerdiń operatsııalyq shyǵyndaryn jabýǵa jetkilikti. Qor medıtsınalyq uıymdar aldyndaǵy barlyq kelisimshart mindettemelerin tolyq kólemde atqarýda.
Pavlodar oblysynda 63 medıtsınalyq uıym memleketten tegin medıtsınalyq kómektiń kepildendirilgen kólemi aıasynda qyzmet kórsetedi. Onyń 30 - jekemenshik. 2018 jylmen salystyrǵanda jeke qyzmet kórsetýshiler sany 5 uıymǵa artty.
- Jekemenshik medıtsınalyq uıymdar qormen tyǵyz yntymaqtastyqta jumys isteıdi ári ózgermeli jaǵdaıda jumys isteýge daıyn ekenin kórsetti. Medıtsınalyq qyzmet kórsetý naryǵynda básekeniń artýy medıtsınalyq kómektiń qoljetimdi bolýyna, sapaǵa oń yqpal eteri sózsiz, - deıdi Ardaq Sıtqazınov.
2019 jyldyń basynan qor Qazaqstannyń medıtsınalyq uıymdaryna halyqqa kórsetken qyzmeti úshin 487 mlrd teńge tóledi. Bıyl medıtsınalyq saqtandyrý qory kepildendirilgen kómek túrlerin kórsetýge qulshynys bildirgen medıtsına uıymdarymen 889 mlrd teńgeniń kelisimshartyn bekitken bolatyn. Bul 2018 jyly bólingen qarjydan alty paıyzǵa artyq.
