Saqtandyrý kompanııasy qurylys nysanynda zardap shekken mamanǵa 19 mıllıon teńgeden astam tólemaqy tóledi
ALMATY. 2 mamyr. QazAqparat - Búgin Almatyda «NSK» saqtandyrý kompanııasy» AQ Astana qalasyndaǵy qurylys nysanynda zardap shekken qurylys kompanııasynyń qyzmetkerine 19 mıllıon 44 myń 290 teńge saqtandyrý tólemaqysyn tólegeni týraly habarlama taratty.
Ol «Memlekettik annýıtettik kompanııa» ómirdi saqtandyrý kompanııasy» AQ arqyly júzege asyrylǵan.
Saqtandyrýshy 2006 jyldyń qyrkúıek aıynda qazylǵan orda gazben dánekerleý jumysyn júrgizip jatqanda ústine topyraq qulaǵan. Alǵan jaraqatynan keıin qurylys kompanııasynyń qyzmetkeri І dárejeli múgedek bop qalǵan bolatyn.
