Saqtandyrý kompanııalary jol apaty týraly málimetti onlaın alady

ASTANA. QazAqparat – QR Іshki ister mınıstrligi saqtandyrý kompanııalarynyń jol apaty týraly málimet alý rásimin jeńildetti. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Іshki ister mınıstrligi Bas prokýratýranyń Quqyqtyq statıstıka jáne arnaıy esepke alý jónindegi komıtetimen jáne Memlekettik kredıttik bıýromen birlesip saqtandyrý tólemi úshin saqtandyrý kompanııalaryna jol-kólik apaty týraly materıaldardy onlaın berýdi bekitti. Jyl saıyn júzdegen myń adam jol apaty týraly materıaldardyń kóshirmelerin alý úshin aldymen polıtsııaǵa júginip, sodan keıin saqtandyrý kompanııalaryna qujattar tapsyryp kóp ýaqyt jumsaıtyn. Qazir bul protsess polıtsııa, prokýratýra jáne saqtandyrý kompanııalarynyń derekqorlaryn biriktirý arqyly avtomattandyryldy», - dedi Sh. Turlybek mınıstrliktiń baspasóz alańynda ótken brıfıngide.

Jol-kólik oqıǵasy kezinde polıtsııa qyzmetkeri jasaǵan hattama tekserýden ótetin bazaǵa túsedi. Sodan keıin ol avtomatty túrde sotqa jáne bir ýaqytta saqtandyrý kompanııasyna jiberiledi.

«Azamat keltirilgen zalaldy baǵalaý úshin saqtandyrý kompanııasyna júginýi kerek jáne sotqa shaqyrý týraly SMS kútýi kerek», - dedi Sh. Turlybek.