Saqtandyrý kompanııalary men jeke seriktestikter yntymaqtastyq jáne ózara túsinistik týraly memorandým jasasty
ALMATY. 18 shilde. QazAqparat - «London-Almaty», «Kommesk-Ómir», «Munaı saqtandyrý kompanııasy» kompanııalary men «Subaru Motor Almaty», «Teh Art Servıs» JShS-teri kólik quraldaryn jóndeýdi qalpyna keltirý boıynsha yntymaqtastyq jáne ózara túsinistik týraly memorandým jasasty.
Ol mindetti jáne erikti avtosaqtandyrý naryǵyn damytý, halyqtyń saqtandyrý kompanııalaryna senimin kóterý, saqtandyrý kompanııalarynyń qyzmetin halyqaralyq standarttar negizinde uıymdastyrý maqsatynda kompanııa men uıymdardyń kúsh-jigerin biriktirýge baǵyttalǵan.
Memorandýmǵa qatysýshylar avtomobıl jóndeý qunyn esepteýde Audatex Gmbh komanııasynyń málimetterin qoldanýǵa mindettelgen. Onda jóndeýdiń ýaqytsha jáne materıaldyq shyǵyn normalary, kólik quraldaryn jóndeý tehnologııasy jáne taǵy basqalar negizge alynady.
«Bul baǵdarlamany qabyldaý jol-kólik apatynan keıin onyń ıeleri úshin avtomobıldi jóndeý úderisi absolıýtti naqty jáne ashyq bolady. Saqtandyrý kompanııalaryna kúmándanýǵa negiz bolmaıdy», - deıdi «London-Almaty» saqtandyrý kompanııasynyń bas adjasteri Alekseı Magdın.
«Audatex» - avtokólik quraldaryn jóndeýde qalpyna keltirý qunyn esepteýdi baǵdarlamalyq qamtamasyz etýdi jasaý salasyndaǵy álemdik kóshbasshy sanalady. Kompanııa avtomobılder úshin elektrondyq málimetter qoryn jasady. Ol saqtandyrýshylar, táýelsiz sarapshylar men avtosheberlerdiń qajettiligi úshin arnaıy daıyndalǵan.
