Saqtandyrý agentterin daıyndaıtyn arnaıy ortalyqtar joq-dóńgelek ústel
ALMATY. 4 naýryz. QazAqparat /Erlik Erjanuly/ - Búgin Almatyda Ortalyq Azııadaǵy saqtandyrý V Halyqaralyq konferentsııasy aıasynda "Avtosaqtandyrý: naryqtyq tehnologııalardyń damý keleshekteri" atty dóńgelek ústel ótti.
Onyń barysynda saqtandyrý agentterin daıyndaıtyn arnaıy ortalyqtardyń joq ekendigi aıtyldy.
"Altyn polıs" saqtandyrý kompanııasynyń óz qyzmetin toqtatýyna saqtandyrý agentteri yqpal etti. Bul kompanııanyń saqtandyrý agentteri jalǵan polıster jazyp, bir nómirmen tirkeýsiz birneshe polıs jasady. Osyǵan oraı saqtandyrý agentteriniń qyzmetterin tirkeý talaby engizildi", - deıdi Qazaqstan saqtandyrý qaýymdastyǵy tóraǵasynyń mindetin atqarýshy Sofııa Moskalenko.
Onyń aıtýynsha, qazir saqtandyrý kompanııalary agentterdi ózderi daıyndaıdy. Olardyń qyzmetine qatysty jaýapkershilik te kompanııalardyń ózine júktelgen. Sondaı-aq 2012 jyly saqtandyrý syıaqysyn qolma-qol aqshamen qabyldaýǵa tyıym salynbaq. Saqtandyrý kompanııalary tek banktik tólem arqyly qabyldaıdy. Saqtandyrý uıymdary bir kúnniń ishinde aqshany saqtandyrýshy kassasyna, ne banktik esepshotqa aýdarýy kerek. Al shalǵaıdaǵy saqtandyrý núktelerindegi agentter ony bir aptanyń ishinde júzege asyrýy tıis. Merzim demalys, ne mereke kúnderimen sáıkes kelse, bul talapty oryndaýda qıyndyq týyndaıdy.
