Saqtandyrý ombýdsmeni saılandy

ASTANA. KAZINFORM — Igor ıAkovenko 3 jyl ókilettik merzimimen saqtandyrý ombýdsmeni laýazymyna qaıta saılanǵany belgili boldy. Bul týraly Qarjy naryǵyn retteý jáne damytý agenttigi málim etti.

— 2025 jylǵy 7 qarashada «Saqtandyrý qyzmeti týraly» Qazaqstan Respýblıkasynyń Zańy 86-babynyń 3-tarmaǵyna sáıkes Agenttik Komıssııasynyń sheshimimen Igor Alekseevıch ıAkovenko 3 jyl ókilettik merzimimen saqtandyrý ombýdsmeni laýazymyna qaıta saılandy, — delingen habarlamada.

Igor ıAkovenko saqtandyrý ombýdsmeni laýazymyna ekinshi merzimge kirisedi. Ol saqtandyrý ombýdsmeniniń mindetterin 2022 jylǵy 30 qarashadan bastap atqarady. Onyń zańgerlik jáne ekonomıkalyq bilimi, saqtandyrý jáne bank sektorlarynda, onyń ishinde basshylyq laýazymdarda kóp jyldyq jumys tájirıbesi bar. Ár jyldary advokattyq qyzmetpen aınalysty, kommertsııalyq, azamattyq jáne basqa da ister boıynsha sottarda klıentterdiń múddelerin bildirip, olardy qorǵady.

Igor ıAkovenkonyń basshylyǵymen azamattardyń joldanymdaryn qaraýdyń tıimdiligi men sapasyn arttyrýǵa baǵyttalǵan júıelik sharalar kesheni iske asyryldy. Atap aıtqanda, daýlardy qaraýdyń tatýlastyrý jáne ońaılatý rásimderi engizildi, Saqtandyrý ombýdsmeni keńsesiniń qurylymdyq reformalary júrgizildi, sondaı-aq jumystyń negizgi baǵyttaryn tsıfrlandyrý júzege asyryldy. Sheshimderdiń oryndalýyn baqylaýdy avtomattandyrýdy jáne saqtandyrý uıymdarymen jedel ózara is-qımyldy qamtamasyz etetin CRM-júıesi engizildi.

Sondaı-aq, shyǵyndy anyqtaý kezinde amortızatsııalyq tozýdy esepteý úshin onlaın-kalkýlıator quryldy.

Saqtandyrý ombýdsmeniniń qyzmeti azamattardyń saqtandyrý júıesine degen senimin arttyrýǵa jáne saqtandyrý naryǵyna qatysýshylar arasyndaǵy syndarly dıalogty damytýǵa odan ári yqpal etetin bolady.

Budan buryn Qarjy naryǵyn retteý jáne damytý agenttiginiń quzyreti keńeıtilgenin jazǵan edik.