Saqshylar jolda qalyp ketken sheteldikterge qol ushyn sozdy

QOSTANAI. QazAqparat - Qostanaı polıtseıleri aýa raıynyń qolaısyzdyǵyna baılanysty jolda turyp qalǵan sheteldikterge kómektesti, dep habarlaıdy QazAqparat.

Qostanaı - Áýlıekól - Sýrgan avtojolynyń 55-shi shaqyrymynda patrýldik polıtsııa rotasynyń qyzmetkerleri Nazarhan Qobdaqanov pen Arman Musaev Renault avtokóligin baıqaǵan. Kólik tizgininde Reseı azamaty bolǵan.

«Generatordyń belbeýi úzilip ketkendikten júrgizýshi men úsh jolaýshy birneshe saǵat boıy jolda turǵan. Biz olarǵa kólikti jaqyn mańdaǵy tehnıkalyq qyzmet kórsetý stantsııasyna aparýǵa kómektestik», - deıdi Arman Musaev.

Reseılikter polıtseılerge alǵys bildirdi.