«Sáken Seıfýllın» entsıklopedııasynyń tusaýkeseri boldy

Bul eńbek Qaraǵandy qalalyq «Bolashaq» ýnıversıtetiniń Ortalyq Qazaqstan gýmanıtarlyq ınstıtýtynyń bastamasymen jaryq kórip otyr. 9 bólimnen turatyn entsıklopedııaǵa sákentanýshy ǵalymdardyń eńbekteri, aqynnyń ómiri jáne qoǵamdyq qyzmetine qatysty tyń pikirler men tarıhı málimmetter engizilgen. Sondaı-aq atalmysh entsıklopedııaǵa S. Seıfýlınniń jazýshy, aqyn, iri qoǵam qaıratkeri, daryndy dramatýrg retindegi san qyrly talanty men máni men mazmuny tereń murasynan syr shertetin qundy derekter jınaqtalǵan.

«Bolashaqta Qazybek bı men qazaqtyń uly oıshyly Buqar jyraý murasy jaıyndaǵy qundy derekterge negizdelgen 2 jańa entsıklopedııa jaryqqa shyqpaq», - dep málimdedi «Sáken Seıfýllın» entsıklopedııasynyń bas redaktory, «Bolashaq» ýnıversıtetiniń rektory Nurlan Dýlatbekov.

Aıta keteıik, Qaraǵandy qalasyndaǵy «Bolashaq» ýnıversıteti Qazaqstan Respýblıkasy táýelsizdiginiń 20 jyldyq mereıtoıyna oraı halqymyzdyń uly tulǵalarynyń murasyn nasıhattaý maqsatymen entsıklopedııalyq kitaptardy jaryqqa shyǵarý jobalaryn qolǵa alǵan bolatyn. «Sáken Seıfýllın» entsıklopedııasy sol ıgi bastamanyń bir aıǵaǵy.