Sáken Myrzaqulov BQO densaýlyq saqtaý basqarmasynyń basshysy boldy
ORAL. KAZINFORM — Oblys ákiminiń ókimimen jáne QR Memlekettik qyzmet isteri agenttiginiń kelisimimen Batys Qazaqstan oblysy densaýlyq saqtaý basqarmasynyń basshysy bolyp Sáken Myrzaqulov taǵaıyndaldy.
BQO ákiminiń baspasóz qyzmetinen málim etkenindeı, Sáken Myrzaqulov 1989 jyly dúnıege kelgen.
Bilimi joǵary. Qoja Ahmet ıAsaýı atyndaǵy Halyqaralyq qazaq-túrik ýnıversıtetin emdeý isi mamandyǵy boıynsha támamdady. Sonymen qatar quqyqtaný jáne ekonomıka biliktiligi boıynsha bakalavr dárejesi bar.
Eńbek jolyn 2013 jyly dáriger-gınekolog bolyp bastap, túrli medıtsınalyq mekemelerde jumys istedi. Ár jyldary Mańǵystaý oblysy densaýlyq saqtaý basqarmasy basshysynyń birinshi orynbasary, QR Densaýlyq saqtaý mınıstrliginde jáne Áleýmettik medıtsınalyq saqtandyrý qorynda jaýapty qyzmetterdi atqardy.
Qazirgi laýazymǵa deıin BQO densaýlyq saqtaý basqarmasy basshysynyń medıtsınalyq kómekti uıymdastyrý jónindegi orynbasary boldy.
Eske sala keteıik, budan buryn jemqorlyq daýynan keıin BQO densaýlyq saqtaý basqarmasynyń basshysy jumysynan bosatylǵanyn jazǵan edik.
