Sáken Maıǵazıev onlaın-kontsert beredi
«Mádenıet jáne sport mınıstrligi men «Qazaqtelekom» AQ birlesip qolǵa alǵan joba aıasynda búgin qazaqstandyqtar Sáken Maıǵazıevtyń áýezdi ánderin tyńdaıtyn bolady. Aldaǵy ýaqytta tyńdarmandardyń ystyq yqylasyna ıe bolǵan birqatar óner maıtalmanyna alań usynbaqpyz. Memleket basshysynyń búgin bergen baǵasy biz úshin zor jaýapkershilik júkteıtin úlken abyroı. Aldaǵy ýaqytta da elimizge tótennen kelgen qıyndyqty birge eńserýge óz úlesimizdi qosamyz. #Birgemiz», - dedi Mádenıet jáne sport mınıstri Aqtoty Raıymqulova mınıstrliktiń Facebook paraqshasynda jarııalanǵan aqparatta.
Elimizde tótenshe jaǵdaı jarııalanyp, jurt qıyndyqty eńserýge «#Birgemiz» dep kirisken tusta, Mádenıet jáne sport mınıstrligi birneshe onlaın-jobany qolǵa alǵan edi. Olardyń arasynda óner súıer qaýymǵa arnalǵan «Karantındegi juldyz» jobasy da bar. 23-naýryzdan bastaý alǵan joba aıasynda keshe kórermender tikeleı efırde elimizdiń maqtanyshy Roza Qýanyshqyzynyń ánderin tyńdady. Ózderiniń onlaın-kontsertterin buǵan deıin Jubanysh Jeksenuly, Jeńis Seıdollauly, Ǵadilbek Jańaı bergen bolatyn. Azǵantaı ýaqytta kórermenin taýyp, ómirsheńdigin kórsetken juldyzdy joba onlaın formatta jalǵasa beredi.
Aıta keteıik, búgin Memleket basshysy Qasym-Jomart Toqaev estrada ánshisi Roza Rymbaevaǵa onlaın-kontsert úshin alǵys bildirgen bolatyn .
