Sáken Maıǵazıev ómirge kelgen qyzyna at qoıdy
ASTANA. QazAqparat - Ánshi Sáken Maıǵazıevtiń qyzyna Márııam degen at qoıyldy, - dep habarlaıdy Baistars.kz. Ánshi bul jaıynda Instagram jelisinde súıinshi suraı habarlady.
Aıta keteıik, ánshi osyǵan deıin áleýmettik jelide qoldanýshylardan úzdik esimderdi usynýyn suraǵan edi. Alaıda ol uly Ádilettiń aıtqan nusqasyn tańdapty. «Kóńili kóldeı keń, tilegi teńizdeı telegeı qazaǵym, rahymdylardyń rahymdysy Rabbymyz barshańyzǵa razy bolsyn! Belsendilik bildirgen barshańyzǵa alǵys bildiremin. Jelige 7 000-ǵa jýyq erekshe esimder usynyldy. (ALLA násip etip, qyzdy bolyp jatsańyzdar meniń paraqshamnan tańdaý jasasańyzdar bolady). Ulym Ádilettiń usynysyn anam qabyl alyp, aqyldymnyń esimin Márııam dep qoıdyq. Shańyraqtaryńyzdan shattyq ketpegeı. Qushaqtadym!» - dep jazdy Maıǵazıev Instagram jelisindegi resmı paraqshasynda.
Ánshiniń qyzy 14 qańtarda dúnıege kelgen bolatyn. Juptyń Ádilet (17 jasta) esimdi uly jáne Raıana (2,5 jasta) esimdi qyzy bar.
