Sáken Maıǵazıev 4 balaly otbasyna úlken kómek kórsetti (FOTO)

ASTANA. QazAqparat - Qazaqstan Respýblıkasynyń mádenıet qaıratkeri, eńbek sińirgen qaıratker, «Daryn» syılyǵynyń ıegeri, ánshi, «MýzArt» tobynyń ókili Sáken Maıǵazıev qasıetti Ramazan aıynda kóp balaly otbasyǵa úlken kómek kórsetken. Bul týraly «Sadaqa» qory habarlap otyr.

«Otyz kúnge otyz izgi amal" jobasynyń aıasynda ánshi Sáken Maıǵazıev áleýmettik jaǵdaıy tómen 4 balaly otbasyǵa qýanysh syılady. Səken aǵa 1 aıǵa jetetin azyq-túlikpen qosa, kıim-keshek jáne bir qoı soıyp apardy. Otbasyndaǵy sal  dertine shaldyqqan  balaǵa arnaıy aıaq jattyqtyrýyna arnalǵan kólik (mashına) qajet bolǵanyn estigen Səken Maıǵazıev  jomarttyq tanytyp, sol jerde kólik alýǵa qarajatyn da tapsyrdy», - dep habarlanǵan qordyń resmı paraqshasynda.

«Bizdiń jobamyzǵa qatysyp, muqtaj otbasyǵa kómek berip, elge qýanysh syılap júrgen aǵamyzdyń atyn atap, jaqsylyǵyn jarııa etý sebebimiz, elge úlgi, jaqsylyqqa túrtki bolatyn izgi bastamaǵa aınalsyn degen úlken úmit, jaqsy nıet jatyr», - dep tolyqtyryp otyr qaıyrymdylyq qorynyń qyzmetkerleri.