Sáken Qalqamanov jalǵan aqparattarmen kúresýdiń óńirlik tájirıbesimen bólisti
Osyndaı jaǵdaıda Túrkistan oblysynyń aqparat salasyna jaýapty mamandar jalǵan aqparattar legin qanshalyqty eńsere aldy? Osy máselege baılanysty Túrkistan oblysy ákiminiń orynbasary Sáken Qalqamanov pikirimen bólisti, dep habarlaıdy QazAqparat tilshisi.
«Pandemııa kezinde halyqpen baılanys jasaýdyń mynadaı tásilin tańdap aldyq. ıAǵnı, jalǵan aqparattarǵa mán bermeı, jarty saǵat saıyn aqparat taratyp otyrdyq. Aqparat taratqanda kommýnıkatsııanyń barlyq arnasyn, dástúrli BAQ-tan, áleýmettik jelilerden bastap ártúrli platformalarǵa deıin paıdalandyq. Jeke ózim Facebook paraqsham arqyly tikeleı efırge shyǵyp, suraqtarǵa jaýap berip otyrdym», - dedi Sáken Qalqamanov Astana Media Week 2020 sharasynyń «Pandemııa jáne BAQ-qa senim daǵdarysy» plenarlyq sessııasynda.
Túrkistan oblysynda sonymen qatar jarty kún saıyn baspasóz máslıhatyn kezek-kezek ótkizgen sarapshylar pýly jasaqtalǵan.
«Odan bólek halyqtyń júreginen oryn tapqan shynaıy jaǵdaılardy aqparat retinde kóbirek taratýǵa tyrystyq. Máselen mekteptegi órtti sóndirip bolyp, qatty sharshap sol mańda uıyqtap ketken órt sóndirýshi týraly materıal (Arystaǵy oqıǵa) halyqtyń súıispenshiligin týdyrdy. Osynaý jaǵdaılar bılikke, tótenshe jaǵdaılardyń saldaryn joıýǵa atsalysqan adamdarǵa degen senimdi nyǵaıta tústi. Osylaısha sarapshylar rastaǵandaı maqsatty topqa aqparat jetkizý mindetin jónimen atqardyq degen oıdamyn», - dedi ol.
Sáken Qalqamanov sondaı-aq pandemııa kezinde de aqparattyq salaǵa basa nazar aýdarylǵanyn jetkizdi.
«Pandemııamen qatar osy jyly Ózbekstanda sý qoımasy jarylyp, Maqtaral aýdanynyń biraz bóligin shaıyp ketkenin bilesizder. Bul – bizdiń oblystyń halyq eń tyǵyz ornalasqan aýdany. Taǵy bir daǵdaryspen kúreste de jalǵan aqparattar kóp tarap ketti. Oǵan qarsy da aqparattyq saıasatty kúsheıttik. Baǵymyzǵa oraı mamandarymyz osy syndardan ysylyp qaldy. Kún saıyn órt sóndiretin tótenshe jaǵdaılar qyzmetiniń ókilderi sekildi bizdiń oblysta aqparattyq salada biregeı kommýnıkatsııany qalyptastyrdyq degen oıdamyn. Bul tájirıbemen bólisýge daıynbyz», - dedi ol.
Aıta ketsek eloradada Astana Media Week 2020 sharasy ótip jatyr. Іs-sharanyń negizgi maqsaty – otandyq medıasalany damytý men ındýstrııadaǵy iskerlik qarym-qatynasty aımaqtyq jáne halyqaralyq deńgeıde ilgeriletý. Medıaaptalyq tórtinshi jyl qatarynan álemniń túkpir-túkpirinen jetekshi sarapshylardy dástúrli túrde jınap keledi jáne ózekti taqyryptar talqylanady.
