Sáken Bıbosynov Azııa chempıonatynyń jartylaı fınalyna ótti
ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda Sáken Bıbosynov jartylaı fınalǵa shyqty, dep habarlaıdy QazAqparat tilshisi.
Tokıo olımpıadasynyń qola júldegeri, álem chempıony S.Bıbosynov 51 kelige deıingi salmaqta malaızııalyq Gaııým Arıffınmen qolǵap túıistirdi.
Sáken úsh raýnd boıy shıraq ta ádemi qımyldap, dál soqqylarymen qarsylasynyń aldyn orap ketip otyrdy. Tóreshiler bir aýyzdan jeńisti qazaqstandyq boksshyǵa berdi – 5:0.
Osylaısha, Sáken jartylaı fınalǵa joldama aldy. Bul – Qazaqstan ulttyq quramasynyń qorjynyna jetinshi medal tústi degen sóz. Osyǵan deıin alty qazaqstandyq boksshy qyzdyń jartylaı fınalda óner kórsetetini belgili boldy.
Keshki sessııada sondaı-aq Aıda Ábikeeva japonııalyq Kıto Maımen, Rıo olımpıadasynyń qola júldegeri Darıǵa Shákimova men álem jáne Azııa chempıony Valentına Halzova úndistandyqtar Pýdja, Lovlına Borgohaınmen judyryqtasady.
Eske sala keteıik, budan buryn Azııa chempıonatynda 19 jastaǵy Sanjar Táshkenbaıdyń ózbekstandyq boksshyny utqanyn jazǵan bolatynbyz.
Azııa chempıonatynda qazaqstandyq 6 boksshynyń rıngke shyǵatyny habarlandy.
Sondaı-aq Jazıra Oraqbaeva jartylaı fınalǵa joldama aldy.
Jaına Shekerbekova Azııa chempıonatynyń jartylaı fınalyna ótti.
Karına Ibragımova júldegerler qataryna qosyldy.
