Sáken Bıbosynovtyń kásipqoı bokstaǵy ekinshi qarsylasy belgili boldy

ASTANA.KAZINFORM – Bokstan álem chempıony jáne Olımpıada oıyndarynyń qola júldegeri Sáken Bıbosynovtyń kásipqoı bokstaǵy ekinshi qarsylasy belgili boldy.

Qazaqstandyq boksshy japonıalyq Saikou X Lush promoýterlik kompanııasy Bishkek qalasynda uıymdastyrǵan boks keshinde sharshy alańǵa shyǵady. Qarsylasy jergilikti boksshy Ádilet Qachqynbekov (3-6, 1KO).

Aıta keterligi, Boks keshi Azııadaǵy Búkilálemdik boks assotsıatsııasy (WBA Asia) jáne Halqaralyq boks federatsııasynyń (IBF) qoldaýy aıasynda 25-26 qazan kúnderi Bishkek Arenada ótedi. 

Sonymen qatar, osy boks keshinde Sáken Bıbosynovtyń eski qarsylasy ózbekstandyq Hasanboı Dýsmatov meksıkalyq Rene Kalıksto Bıbıanomen (23-1-1, 9KO) qolǵap túıistiredi.

Eske salsaq, Sáken Bıbosynov 20 shilde kúni kásipqoı bokstaǵy alǵashqy jekpe-jegin ótkizip, fılıppındik 23-jastaǵy Krıstıan Legandy (6-2-3, 4 KO) nokaýtqa jibergen bolatyn.