Parıj-2024: Qazaqstan medaldar kestesinde qaı orynda tur

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda Qazaqstan quramasy jalpy medaldar kestesinde alǵashqy 30 eldiń qatarynan shyǵyp qaldy.

Naqtyraq aıtsaq, el quramasy dál qazirgi esep boıynsha jalpy medaldar kestesinde alǵashqy 30 eldiń qatarynan shyǵyp, 34-orynǵa syrǵyp ketti. Qazaqstan quramasynyń qorjynynda ázirge 1 altyn, 3 kúmis, 3 qola medal bar.

Al jalpy esepte búgin AQSh quramasyn qytaılyqtar basyp ozyp, medaldar kestesinde kósh basyna shyqty. Qytaılardyń enshisinde ázirge 32 altyn, 25 kúmis, 20 qola medal bar.

Al AQSh quramasy olardan 2 altynǵa kem. Olardyń enshisinde 30 altyn, 38 kúmis, 36 qola medal bar.

Úzdik úshtikti ázirge Aýstralııa quramasy túıindep tur. Olarda 18 altyn, 15 kúmis, 14 qola medal bar. Jarystar áli jalǵasyp jatyr. Búgingi medaldar kestesi áli de ózgerýi múmkin.

Al Olımpıada qojaıyndary Frantsııa quramasy ázirge tórtinshi orynda keledi. Olardyń enshisinde 14 altyn, 19 kúmis, 22 qola medal bar.

Jalpy Olımpıada altynyna 54 memleket, kúmiske 71 el, al qolaǵa 80 el qol jetkizdi.

Esterińizge sala ketsek, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr.

Olımpıadashylar 32 sport túrinen 329 medal jıyntyǵyn sarapqa salyp jatyr.