Sáken Bıbosynov kásipqoı bokstaǵy alǵashqy jekpe-jegin jeńispen bastady
ASTANA. KAZINFORM – Bokstan álem chempıony jáne Olımpıada júldegeri Sáken Bıbosynov Qyrǵyzstan astanasy Bishkek qalasynda ótken kásipqoı bokstaǵy alǵashqy jekpe-jegin sátti bastady.
Qazaqstandyq bylǵary qolǵap sheberi bul kezdesýinde fılıppındik 23-jastaǵy Krıstıan Leganmen (6-2-3, 4 KO) qolǵap túıistirgen edi.
Jekpe-jek barysynda Sáken basymdyq tanytyp, qarsylasyn nokaýtqa jiberdi. Otandasymyz osylaısha jarysty erte aıaqtady. Ekinshi jeńil salmaqtaǵy aıqas alty raýndqa belgilengen edi.
Sáken Bıbosynov 2021 jyly álem birinshiliginde jeńis tuǵyryna kóterilse, 2020 jyly Olımpıadada qola júldege ıe boldy. Oǵan qosa 2022 jyly Azııa chempıony ataǵyn jeńip alsa, 2021 jyly qola júldege qol jetkizdi.
Eske salsaq, Sáken bıyl Reseıdiń Habarovsk qalasynda ótken Konstantın Korotkovty eske alýǵa arnalǵan týrnırde top jardy.