Saqaldy brıtandyq jigit áıeldiń tólqujatymen esh kedergisiz Germanııaǵa ushyp keldi
ASTANA. QazAqparat - Boıy 1 m 90 sm saqaldy jigit London áýejaıynda shekaralyq tekserýden ótip, boıjetkenniń tólqujatymen halyqaralyq reıs ushaǵyna otyryp ketken, dep jazady The Sun brıtandyq basylym.
Djosh Rıd Stansted áýejaıynan tekseristen kedergisiz ótip, nemistiń Dortmýnd qalasyna yń-shyńsyz jetken. Sol jerge jetkende ǵana ol tólqujatyn úıde umytyp, ornyna qurbysy Sofı Ýotkınstiń qujatyn alyp ketkenin bildi. Qujat teksergenderdiń birde-biri muny zer salyp teksermegen.
Rıdtiń aıtýyna qaraǵanda, qurbysy ekeýi bir birine uqsamaıdy, ári onyń aıaǵy aýyr (7 aı), boıy 1,57 metr ǵana. Ekeýiniń tegi de eki túrli.
«Bul oqıǵa eger eki adamnyń túri bir-birine uqsasa, jasandy tólqujatpen basqa elge ótip ketý jeńil bolady degen oı týady», - deıdi ol.
Germanııadan eline qaıtqan Rıd jolda júrgizýshi kýáligin kórsetýge májbúr boldy, al Sofıdiń tólqujatyn kýrer arqyly keri qaıtardy.
Áýejaıda mundaı oqıǵa qaıtalanbas úshin shara qoldanatynyn málimdedi. Alaıda jolaýshylar tulǵasyn rastaıtyn qujatqa tikeleı ózi jaýapty ekendigin de atap ótti.
