Saq stılinde jasalǵan 5 000 teńgelik jańa banknotalar aınalymǵa shyqty
Qazaqstan ulttyq banki 25 jeltoqsannan bastap jańa dızaındaǵy, 2023 jylǵy úlgidegi nomınaly 5 000 teńgelik banknotalardy aınalymǵa shyǵardy, dep habarlaıdy Kazinform.
Bul — «Saq stıli» jańa serııasynyń alǵashqy banknotasy.
Ol dástúrli qazaq oıý — órneginiń bastaýshysy bolyp sanalatyn jáne kóshpendilerdiń biregeı mádenıetinen bastap búgingi Qazaqstanǵa deıingi el murasyn beıneleıtin «Saq stıli» elementterine negizdelgen.
Túsi — qyzyl-qyzǵylt sary. Banknotanyń betki jaǵynda:
— kókte qalyqtap ushqan qus pen Ómir aǵashynyń butaǵy (Esik qorǵany, b. d. d. 5-4 ǵǵ., Altyn adam bas kıiminiń bir bóligi, tabıǵat pen nanym baılanysynyń qasıetti maǵynasy);
— DNQ spırali jáne adamnyń tabıǵatpen baılanysyn bildiretin oıý-órnekpen stıldendirilgen sheksizdik sımvoly;
— jádiger-búrkit fıgýrasy túrindegi bezendirý (Qorǵan Taldy II, b. d. d. 7-6 ǵǵ.; búrkit sheksiz erkindiktiń, kúsh pen eptiliktiń sımvoly retinde).
Banknotanyń syrt jaǵynda oıý-órnekpen bezendirilgen qalqan fonyndaǵy búrkit beınelengen. Negizgi beıneniń artynda dóńgelek qazaqtyń oıý-órnegi ornalasqan.
Nomınaly 5 000 teńge bolatyn jańa banknotalar 2023 jylǵy 25 jeltoqsannan bastap aınalymǵa enedi jáne jyl boıy aınalymdaǵy 2011 jylǵy úlgidegi nomınaly 5 000 teńge bolatyn ulttyq valıýta banknotalarymen aýystyrylady.
ıAǵnı, eski úlgidegi barlyq banknotalar bir jyldyń ishinde aınalymnan birtindep alynady. Tıisinshe, banknotalar aınalymda qatar júrgen ýaqytta halyqqa eski úlgidegi banknotalardy ekinshi deńgeıli bankterdegi nemese QUB fılıaldaryndaǵy jańa banknotalarǵa aıyrbastaýdyń qajeti joq.
2023 jyldyń 25 jeltoqsanynan 2024 jyldyń 24 jeltoqsanyna deıin eski jáne jańa úlgidegi banknotalar aınalymda qatar júrip, esep aıyrysýǵa jaramdy sanalady.
Bul oraıda jańa úlgidegi banknotalar 2024 jyldyń naýryz aıynda ǵana jappaı aınalymǵa túsedi. Sebebi olardy elimizdiń barlyq óńirine jetkizip, jabdyqtardy (bankomattar, termınaldar jáne kassalyq tehnıka t. b.) beıimdeý úshin belgili bir ýaqyt qajet.
Qatar aınalym kezeńi aıaqtalǵannan keıin, ıaǵnı 2024 jylǵy 25 jeltoqsannan bastap barlyq bank pen Qazposhtada eski úlgidegi banknotalardy 3 jyl ishinde jańa úlgidegi banknotalarǵa aıyrbastaýǵa múmkindik bar. Al QUB fılıaldarynda olardy merzimsiz aıyrbastaýǵa bolady.
