«Saq bolyńyz: ýly sham! Nemese únemniń de únemi bar» - baspasózge sholý
***
«Qater qaıdan demeńiz! Ol tóbeńizden tónip tur! Muny ázil-qaljyńǵa balamaı, janyp turǵan shamyńyzǵa qarańyz da, oılańyz. Ireleńdep elektr qýatyn únemdeıtin jańa sham densaýlyǵymyz ben ana-tabıǵatymyzǵa asa qaýipti. Onyń anyǵy men tanyǵyn mamandar aıtyp otyr», - dep jazady «Egemen Qazaqstan» gazeti búgingi sanyndaǵy «Saq bolyńyz: ýly sham! Nemese únemniń de únemi bar» degen taqyryptaǵy maqalasynda. Basylymnyń jazýynsha, eger jazataıym sham jarylsa 5 myń tekshe metr jerdiń aýasyn ýlap-lastaıdy eken. Jerge sińse topyraqty ýlap, ósimdikterge zııanyn tıgizedi. Sýǵa qosylsa, ony paıdalanǵan tirshilik ıeleriniń bárine qater tónedi. Adam aǵzasyna engen synap mıǵa qatty áser etip, shaldyqpaly aýrýǵa aparady, qol-aıaqty jansyzdandyryp sal syrqatyna uryndyrady. Júkti áıelderdiń qursaǵyndaǵy balanyń tabıǵı damýy men ósýine keri áseri tıedi. Nátıjesinde, múgedek bala dúnıege keledi eken.
Іrgesin bekitip, iriligin tanytqan memlekettiń bastaý basynan bastap, qıly kezeńderdi túbinen qopara túgendep, aq-qarasyn anyqtap, baryn asyryp jibermeı, kemin búgip qalmaı aıtyp, aqıqatty attamaı, joqtan bar jasamaı tarazy basynda teńestirip, búgingi tynys-tirshilikpen ushtastyryp ata tarıhtan asyl qazyna qalyptastyrý, sony keıingi urpaqqa úlgi etip, osy dástúrdi jalǵastyra ber deý, aldyńǵy tolqynnyń paryzy da qaryzy. Mine, osyndaı eldik is ótken sársenbiniń sátinde elordada bastaldy. Onda Memlekettik hatshy Marat Tájın alqaly toptyń aldynda mazmundy baıandama jasap, halyqtyq dúnıetanymdy qalyptastyrýdy qozǵady. Qazaq eliniń qadir-qasıetin, tórtkúl dúnıege túgel dańqy jetken bıik abyroıyn sóz etti. El tarıhyn oı qazanynda qorytyp júrgen ǵalymdar da óz tujyrymdaryn jurt talqysyna saldy. Sol ult rýhanııaty jan-jaqty áńgime arqaýyna aınalǵan basqosýdaǵy óristi oı týraly tarıhshylar men jazýshylar óz baılam-paıymdaryn «Egemen Qazaqstan» gazetiniń redaktsııasyna joldaǵan eken. Búgin solardyń ekeýin gazet «Tól tarıhqa - sony silkinis» degen taqyryppen oqyrman nazaryna usynyp otyr.
***
«Aıqyn» gazetiniń jazýynsha, Qazaqstannyń syrtta saqtaýly qazynasynyń kólemi jaqyn ýaqytta 100 mıllıard dollarlyq mejege jetýi múmkin! Qaırat Mámıdiń tóraǵalyǵymen ótken Senattyń keshegi jalpy otyrysynda osyndaı málimet jarııa etildi. Ulttyq valıýtanyń turaqtylyǵy elimizdiń halyqaralyq rezervterin arttyrýǵa múmkindik beripti. «Qazaqstannyń halyqaralyq rezervteriniń aýqymy, ıaǵnı Ulttyq qor qarjylary men Ulttyq bank aktıvterin qosa alǵanda, byltyrǵy jyly 18 paıyzǵa derlik artty. Sóıtip, jyl sońynda 86 mıllıard dollardy qurady. 2013 jyldyń mamyrynyń qorytyndysy boıynsha, Qazaqstannyń halyqaralyq rezervteriniń jıyntyq kólemi 91 mıllıard dollardan asty!» dedi Ulttyq bank tóraǵasy. Maqala «Teńge turaqtanyp, nesıe ulǵaıyp barady» degen taqyryppen berilgen.
***
«100-den astam qazaqstandyq búginde túrli sheteldik lańkestik uıymdardyń qatarynda júr. Olardyń aty-jónderin de UQK biledi», - dep jazady «Ekspress K» gazeti «Kto v mınnom pole voın» degen taqyryptaǵy maqalasynda. Ulttyq qaýipsizdik komıtetiniń tóraǵasy Nurtaı Ábiqaevtyń atap ótýinshe, mundaı aqparatty reseılik arnaıy qyzmet usynǵan. «Taıaýda ǵana bizder Pákistan-Aýǵanstan óńirinen 4 azamattyń otanyna oralýyn qamtamasyz ettik», - depti ol.
***
«Kazahstanskaıa pravda» gazetiniń jazýynsha, Qazaqstan Respýblıkasynyń Qorǵanys mınıstri Ádilbek Jaqsybekov Táýelsiz Memleketter Dostastyǵyna qatysýshy memleketter Qorǵanys mınıstrleri keńesiniń Mınskide ótken jıynyna qatysty. Otyrysta taraptar ózara is-qımyl, sondaı-aq kelesi jyly TMD-ǵa qatysýshy memleketter Qarýly kúshteriniń birlesken oqý-jattyǵýlary men is-sharalaryn ótkizý máselelerin talqylady. «Qorǵanys mınıstrleri keńesiniń otyrysynda 2017 jyldy Táýelsiz Memleketter Dostastyǵyndaǵy Otan qorǵaýshylar jyly dep jarııalaý týraly sheshim qabyldandy», - dep jazady basylym.
