Saq bıleýshisiniń eskertkishi keshendi túrde zerttelýde (FOTO)
ASTANA. QazAqparat - Qazaqstan Respýblıkasy Ulttyq mýzeıiniń «Halyq qazynasy» ǵylymı-zertteý ınstıtýty men Á.H. Marǵulan atyndaǵy Arheologııa ınstıtýtynyń Astana qalasyndaǵy fılıalynyń birlesken zertteý toby Almaty oblysy Raıymbek aýdanynyń Qarqara aýyldyq okrýgine qarasty Qarqara jaılaýynda saqtardyń «patshalyq» eskertkishindegi kezekti qazba jumystaryn jalǵastyrdy.
Zertteý nátıjesinde j.s.d. VI-V ǵasyrlarǵa jatatyn saq bıleýshisiniń qurmetine salynǵan iri kólemdi eskertkishtiń birneshe qurylymdyq elementteri - jer betindegi qurylymy, aınala qorshap jatqan tas qorshaý qalandylar, orlar ashyldy. Saqtardyń arhıtektýrasy, jerleý ǵurpy jáne dúnıetanymy jaıly jańa málimetter alyndy. Jetisýlyq saqtardyń áleýmettik dárejesi joǵary, bedeldi bıleýshisi qoıylǵan bul keshenniń aınalasynan tórt ǵasyrdan soń ǵun-sarmat kezeńinde, bir mezette jerlengen 45 qorshaý-obalar da ashyldy. Qorshaýlardan bas kıimniń ilmekti altyn qapsyrma áshekeıleri, monshaqtar, qysh urshyqtar t.b. tabyldy, dep habarlady QR Ulttyq mýzeıiniń «Halyq qazynasy» ǵylymı-zertteý ınstıtýtynan.
