Mırzıeeva kezdesýge múmkindik jasaǵany úshin Toqaevqa alǵys aıtty
ASTANA. KAZINFORM — Saıda Mırzıeeva Ózbekstan men Qazaqstan Ortalyq Azııadaǵy turaqtylyq jáne ornyqty damý jolynda birge jumys istep jatqanyn aıtty, dep habarlaıdy Aqordanyń baspasóz qyzmeti.
— Sizge Ózbekstan Prezıdentiniń izgi sálemin jetkizýdi zor mártebe sanaımyn. Shavkat Mıromonovıch Qazaqstanmen kópjosparly yqpaldastyqty tereńdetýge erekshe mán beredi. Sonymen qatar joǵary deńgeıdegi ýaǵdalastyqtar men birlesken jobalardyń júzege asyrylý barysyn aıryqsha baqylaýda ustaıdy. Ózbekstan men Qazaqstan Ortalyq Azııadaǵy turaqtylyq jáne ornyqty damý jolynda birge jumys istep jatyr. Onyń nátıjesi baıqalady. Biz birlese otyryp, aımaq únin jahandyq arenaǵa jetkize alamyz. Ózbekstan búginde baýyrlas Qazaqstanda júrgizilip jatqan ózgeristerdi quptaıdy. Qazaqstan — senimdi odaqtasymyz. Bul jaıynda udaıy aıtyp kelemiz, — dedi Ózbekstan Prezıdenti Ákimshiliginiń Basshysy.
Kezdesý barysynda eki eldiń saýda-ekonomıkalyq jáne mádenı-gýmanıtarlyq salalardaǵy seriktestigin odan ári keńeıtý máseleleri talqylandy. Sondaı-aq Qazaqstan men Ózbekstanda qolǵa alynǵan júıeli saıası jáne áleýmettik-ekonomıkalyq reformalar jóninde pikir almasý ótti.
Osydan buryn Qasym-Jomart Toqaev Brıýsselge resmı saparmen baratynyn jazǵanbyz.
