SAIC Motor Qytaıda alǵash ret 100 mıllıon kólik shyǵardy
ASTANA.KAZINFORM - Qytaılyq avtogıgant SAIC Motor rekord ornatyp, avtokólik salasynda 100 mıllıon kólik óndirisin jasaǵan alǵashqy kompanııa boldy, dep habarlaıdy China Daily.
Bul jańalyq Shanhaıda saltanatty túrde atalyp ótti. Іs-shara barysynda kompanııa óz portfolıosyndaǵy Roewe, MG, Maxus, SAIC Volkswagen, SAIC Audi jáne SAIC-GM sııaqty birneshe brendtiń tutynýshylaryna bir ýaqytta kilt tapsyrý uıymdastyrdy.
«100 mıllıonynshy kólik» qurmetti ataǵy flagmandyq IM LS9 Hyper elektrlik krossoverine berildi. Bul modeldi joǵary tehnologııalyq elektr kólikterine mamandandyrylǵan premıým sýbbrend IM Motors shyǵarady.
Kompanııa bul meje holdıngtiń kólik jáne komponentter óndirisin, mobıldilik qyzmetterin, qarjy sektoryn jáne halyqaralyq operatsııalardy qamtıtyn ıntegratsııalanǵan ónerkásiptik ekojúıesiniń aýqymyn kórsetetinin atap ótti.
Tarıhyn 1955 jyldan bastaıtyn SAIC Motor Qytaı naryǵyndaǵy kóshbasshylyǵyn saqtap keledi.
Qańtar-sáýir aılarynda kompanııa 1,3 mıllıon kólik satty. Osy kezeńde toptyń sheteldegi satylymy 50,2%-ǵa ósip, 459 000 danaǵa jetti.
Buǵan deıin Beıjińde álemdegi eń iri avtomobıl kórmesi ashylǵany habarlanǵan bolatyn.
