Sahnalanǵanyna 70 jylǵa jýyq ýaqyt ótken «Birjan-Sara» operasy Astanada qoıylady

ASTANA. QazAqparat - Shýaǵyn tókken kóktemgi mereke - Naýryz qarsańynda, 20 naýryzda elorda turǵyndary men qonaqtarynyń nazaryna Muqan Tólebaevtiń «Birjan-Sara» operasy usynylady.

Bul týraly «Astana-Opera» teatrynyń baspsóz qyzmeti habarlady

Basty partııalarda óner kórsetetin qazaqstandyq belgili opera ánshileri: Birjan - mánerli tenor Meıir Báıneshov, Sara - tamasha daýsy sahnadaǵy oınaý sheberligimen ushtasqan QR Eńbek sińirgen qaıratkeri Jámılıa Jarqymbaeva. Qyzǵanshaq Altynaıdyń partııasynda QR Eńbek sińirgen qaıratkeri, jarqyraǵan opera ánshisi Bıbigúl Januzaq, Analyqtyń partııasyn sezimtaldyǵymen kórermenniń júregin qozǵaıtyn QR Eńbek sińirgen qaıratkeri Dına Hamzına asqan sheberlikpen shyrqaıdy. Estaıdyń rólinde - Narul Toıkenov. Janbota - QR Eńbek sińirgen qaıratkeri Janat Shybyqpaev, Jıenqul - jas barıton Talǵat Ǵaleev, Serik - QR Eńbek sińirgen qaıratkeri Jan Tápın, Qojaǵul - Eskendir Ábjanov.

«Birjan-Sara» operasynyń sahnalanǵanyna 70 jylǵa jýyq ýaqyt ótse de, ol búgin de ulttyń jáne jalpy adamzattyń mádenı-poezııalyq tájirıbesiniń sıntezinen týyndaǵan sarqylmas ónerdiń kúsh-qýaty retinde mysal bolyp qala beredi.