Sahnada ınsýlt jaıly qaljyńdaǵan brıtandyq ártis sol jerde o dúnıege attandy
NUR-SULTAN. QazAqparat - 60 jastaǵy brıtandyq kúldirgi ártis ıAný Kognıto Brıtanııanyń Bıster qalasyndaǵy barda óner kórsetip jatyp, ózin jaısyz sezingen, dep habarlaıdy VVS.
Kognıto sahnada turyp, ınsýlttan keıin oıanǵanda valıı tilinde sóıleı alatynyn aıtyp, qaljyńdaǵan. 10 mınýttan keıin jaǵdaıy kúrt nasharlap, sahnadaǵy oryndyqqa otyrǵan.
Júrgizýshi Endrıý Berdtiń aıtýynsha, halyq ne bolǵanyn birden túsine qoımaǵan. Birneshe ýaqyt boıy zal onyń áreketin akterlik oıynǵa balap, kúlkige erik bergen.
Kognıto sahnaǵa shyǵar aldynda ózin nashar sezingen, alaıda óner kórsetýge bel býǵan.
Kognıto aýyr tynys alyp, birneshe mınýt boıy oryndyqta qozǵalmaı otyrǵan. Júrgizýshi de ony qoıylym jasap jatyr dep oılaǵan. Keıin Berd ony tekserý úshin qasyna barady.
Kelgen dárigerler Kognıtonyń sahnada qaıtys bolǵanyn rastady.
Kognıto (shyn esimi - Pol Barberı) 1958 jyly Londonda dúnıege kelgen jáne 80-jyldardyń ortasynan beri óner kórsetken.
