Sahara shólinde álemdegi iri kún stansasy ashyldy
ASTANA. QazAqparat - Marokko Koroli Mohammed VI kún stansasyn ashty, ol 2020 jyly paıdalanýǵa tolyq berilgen kezde álemdegi iri energııa kózi bolmaq.
Stansa Kasablankadan ońtústik-shyǵysqa qaraı Ýarzazat qalasyna taıaý jerde Sahara shólinde salyndy. Kún energııasyn tartyp, sýdy týrbına úshin bý óndirýge ysytatyn jartymıllıon parabolalyq aınany aınalyp shyǵý úshin eki saǵatqa jýyq ýaqyt qajet.
Ekologtar týrbınaǵa qajetti sý jınaý mańaıdaǵy tabıǵı sýattardyń sarqylýyna ákep soǵady dep qaýiptenýde.
Marokko 2030 jylǵa qaraı elektrge óziniń qajettiginiń 52 paıyzyn balamaly energııa kózderinen alýdy josparlap otyr, sóıtip, munaı men basqa da energııa kózderin ımporttaýdy qysqarta túspek, dep habarlady Bı-bı-sı.
