Sahalınde maıshabaqtar jappaı qyrylyp jatyr

ASTANA. QazAqparat - Reseıde Sahalınniń soltústik-shyǵysyndaǵy Ohınsk aýdanynda Pıltýn shyǵanaǵynda tynyqmuhıttyq maıshabaqtar jappaı qyryldy. Tabıǵat qorǵaýshylar dabyl qaǵýda, dep habarlaıdy euronews.com.

"Ekovahta Sahalına" óńirlik qoǵamdyq uıymynda aıtylǵandaı, osyndaı bir túrdegi balyqtardyń qyrylýy saldarynan Pıltýn shyǵanaǵynda maıshabaq popýlıatsııasynyń kóp bóligi joıylýy múmkin.

Uıymnyń basshysy Dmıtrıı Lısıtsyn osy aýdanda álemdegi iri kompanııalardyń ondaǵan mıllıon tonna munaı óndirip jatqanyn eske saldy.

Ekologtar shyǵanaq jaǵalaýynyń 30 shaqyrym jerin tekserip shyqty. 28 ýchaskesiniń tek bireýinde ǵana shamamen 93 tonna ólgen maıshabaq jatyr.