Sahalınde adamzatqa beımálim alyp teńiz janýarynyń denesi jaǵaǵa shyǵyp qaldy (FOTO)
ASTANA. QazAqparat - RF Sahalın oblysy Shahtersk áýejaıy mańyndaǵy jaǵalaýdan quıyrshyǵynda jáne búkil denesinde túgi bar belgisiz teńiz janýarynyń súıegi tabyldy. Bul týraly SakhalinMedia habarlaıdy.
Kóptegen jergilikti BAQ aqparatty ilip áketti, al áleýmettik jeli paıdalanýshylary bul qupııa jaratylystyń ne ekenin dóp basyp aıta almaı, túrli nusqalardy talqyǵa salýda. Bul jaıynda Sahalın balyq sharýashylyǵy jáne muhıttaný ǵylymı-zertteý ınstıtýtynyń boljaý bólimi bastyǵynyń orynbasary Nıkolaı Kım SakhalinMedia AA tilshisimen áńgimelesý barysynda óz pikirin bildirdi.
- Bul delfın túri bolýy múmkin dep senimdi túrde aıta alamyn. Alaıda túgi bar. Bul tosyn jaıt. Delfınderde túk bolmaıdy. Eger reti kelse, erteń baryp, ony zerdeleýge kirisemin.
