Sahalınde 82 balyqshy balyq aýlap otyrǵan muz bólinip, teńizge ketip qalǵan
ASTANA. KAZINFORM – Qutqarýshylar Sahalın oblysynyń ońtústigindegi Starodýbskoe aýyly mańynda jarylyp bólingen seńnen 82 balyqshyny jaǵaǵa shyǵardy. Zardap shekkender joq, dep habarlady TASS.
«Sahalınde qutqarý operatsııasy aıaqtaldy. 82 adam evakýatsııalanyp, jaǵaǵa shyǵaryldy. Zardap shekkender joq» delingen vedomstvo habarlamasynda.
Buǵan deıin 75 balyqshynyń qutqarylǵany týraly habarlanǵan bolatyn.
Aldyn ala málimet boıynsha, muzdaqta taǵy birneshe adam qalǵan. Olardy qutqarý úshin Reseı TJM qaıyqtary men Mı-8 tikushaǵy jumyldyryldy.
18 aqpan kúni tańerteń Reseı TJM Sahalın oblysy boıynsha daǵdarysty basqarý ortalyǵyna Sahalın oblysyndaǵy Starodýbskoe aýyly aýdanynda muzdaqtyń bólinýi týraly aqparat kelip tústi.
TJM baspasóz qyzmeti naqtylaǵandaı, jarylyp bólingen muzdyqtar jaǵalaýdan 1 shaqyrym jerde bolǵan.
