Sahalınde 600-ge jýyq balyqshy jaǵalaýdan bólinip ketken muz ústinde qaldy
SAHALIN OBLYSY. TASS-QazAqparat - 600-ge jýyq balyqshy Sahalın oblysyndaǵy Mordvınova shyǵanaǵynda jaǵalaýdan bólinip ketken muz ústinde qaldy. Bul týraly seısenbi kúni TJM aımaqtyq basqarmasynyń baspasóz qyzmeti málim etti, dep habarlaıdy TASS.
«Búgin, 16:40-ta Sahalın oblysy boıynsha Reseı TJM Daǵdarys jaǵdaılary jónindegi Bas basqarmasynyń jedel kezekshilik bólimshesine Mordvınova shyǵanaǵynda jaǵalaýdan eki kılometr jerde muzda jaryqshaq paıda bolǵany týraly aqparat kelip tústi. Sonyń saldarynan 600 balyqshy jaǵadan bólinip qaldy. Qutqarý jumystary júrgizilip jatyr», - delingen habarlamada.
Oqıǵa ornynda TJM qyzmetshileri jumys istep jatyr, Mı-8 tikushaǵy ushýǵa daıyn tur