Saha elinde ishimdikke múldem tyıym salmaq
ASTANA. 2 qazan. QazAqparat - Saha eliniń (ıAkýtııa) úkimeti «Salaýattylyq týraly» zań jobasyn ázirledi, onda respýblıka aýmaǵynda alkogoldik ishimdikterdiń barlyq túrin óndirýge jáne satýǵa tyıym salynbaq, dep habarlaıdy RBK.
Jergilikti ókimet oryndary mundaı qatań sharalarǵa halyqtyń ishimdikke jappaı salynyp ketýi jóninen elde alǵashqy oryndardyń birine shyǵyp otyrǵan respýblıkadaǵy asa qaterli jaǵdaıǵa baılanysty baryp otyr.
ıAkýt ókimet oryndary ishimdikke tusaý salýǵa birazdan beri árekettenip keledi. Búginde jergilikti dúkenderde spırttik ishimikterdi saǵat 14-ten 20-ǵa deıingi aralyqta ǵana satyp alýǵa bolady. 2010 jyldyń 1 qarashasynan mundaı shara qýattylyǵy 15 gradýstan asatyn ishimdikterge qatysty qolǵa alynǵan bolsa, 2012 jyldyń 1 maýsymynan bastap alkogol sýsyndarynyń barlyq túrine, tipti syraǵa da osyndaı shekteý qoıylady.
Osy aptada respýblıka úkimetiniń saıtynda «Salaýattylyq týraly» zań jobasynyń mátini jarııalandy. Onda Saha Respýblıkasynyń (ıAkýtııanyń) búkil aýmaǵynda, sonymen qatar qoǵamdyq tamaqtandyrý oryndarynda alkogol ónimderin óndirý men satýǵa tolyq tyıym salý kózdelgen.
