Saǵyz arqyly tas ǵasyryndaǵy áıeldiń beınesi jasaldy

KOPENGAGEN. QazAqparat – Ǵalymdar ejelgi saǵyzda qalǵan tis izderinen DNQ alyp, 6000 jyl buryn ómir súrgen áıeldiń genetıkalyq kodyn jasady, dep habarlaıdy QazAqparat BBC-ge silteme jasap.

Ǵalymdardyń aıtýynsha, adam genomy súıekten emes, basqa zattan birinshi ret alynyp tur.

DNQ qabyqty qyzdyrý jolymen alynǵan qara-qońyr tústi qaıyń smolasynan tabylǵan.

VVS málimetine sensek, ejelgi áıeldiń terisi - qaratory, shashy - qoshqyl qońyr jáne kózi kók tústi bolǵan.

Kopengagen ýnıversıtetiniń doktory Hannes Shreder aǵash shaıyrynan jasalǵan saǵyz óte baǵaly DNQ kózi ekenin aıtty.

Genetıkalyq kodqa sensek, áıel Eýropa qurlyǵynyń ańshylar tobyna jatady. Ol Batys Eýropadan muzdardyń erýinen keıin qonys aýdarǵan adamdarmen birge kelgen degen boljam bar.

Sonymen qatar, saǵyzdan sol zamandaǵy adamdardyń negizgi taǵamy bolǵan orman jańǵaǵy men jabaıy úırektiń DNQ-sy tabylǵan.