Saǵyntaevtyń burynǵy kúıeý balasynan tárkilengen shveıtsarııalyq saǵat aýktsıonda 196 mln teńgege satyldy

ASTANA. QazAqparat - BAQ málimetinshe, Baqytjan Saǵyntaevtyń burynǵy kúıeý balasy Ibragım Baqyttan tárkilengen shveıtsarııalyq «RICHARD MILLE» brendiniń saǵaty aýktsıonda 200 mln-ǵa jýyq teńgege satyldy, dep habarlaıdy QazAqparat tilshisi.

Elektrondyq saýda platformasynyń saıtyndaǵy aqparatqa sáıkes, saýda 5 shildede tańǵy saǵat 10:00-de bastaldy. Shveıtsarııanyń áıgili «RICHARD MILLE» brendiniń saǵaty bastapqyda 393 mln teńgege baǵalandy.

Aýktsıon baǵany tómendetý ádisimen ótkizildi. ıAǵnı, bul jaǵdaıda bastapqy baǵa tómendetilip, aýktsıonda usynylǵan baǵany tóleýge birinshi bolyp kelisken adam jeńimpaz boldy.

Esimi belgisiz qalǵan satyp alýshy bul saǵatty 196 mln teńgege satyp alǵan (T 196 834 788).

Eske salaıyq, 2018 jyldyń maýsym aıynda alaıaqtyq jasady degen kúdikke ilingen Ibragım Baqyt Germanııadan ekstradıtsııalandy. Ustalǵan azamat «Bank RBK» AQ-nyń bir top adammen aldyn ala sóz baılasyp, asa iri kólemdegi qarajatty alaıaqtyq jolmen jymqyrdy degen kúdikke ilindi. 2013-2016 jyldar aralyǵynda urlanǵan qarajattyń jalpy somasy 50 mlrd teńge jáne 83 mln dollardy quraǵan.

Ol 8 jylǵa bas bostandyǵynan aıyrylyp, múlki tárkilendi, sondaı-aq 10 jyl merzimge materıaldyq jaýapkershilikpen baılanysty bank jáne qarjylyq qyzmetpen aınalysý quqyǵynan aıyryldy.

Keıin BAQ-ta odan qymbat jyljymaly jáne jyljymaıtyn múlikten basqa, «RICHARD MILLE» RM27-01CA47 / 50 LIMITED EDITION RAFAEL NADAL; MARKA, TIP: RICHARD MILLE markaly saǵaty tárkilendi degen aqparat shyqty.