Saǵyntaevqa RF teńiz porttaryna qoljetimdilik problemasyn sheshý ótinishi jasaldy

ASTANA. QazAqparat - QR Energetıka mınıstri Qanat Bozymbaev Qazaqstan kómiriniń eksporty úshin EAEO-ǵa múshe memleketter aýmaǵyndaǵy teńiz porttary qyzmetterine teńdeı qoljetimdilik máselesin kóterdi, dep habarlaıdy QazAqparat.

«Qazaqstandyq kómir óndirýshi kompanııalar Reseı Federatsııasy teńiz porttary operatorlarynyń qyzmetterine qoljetimdilik kedergilerine tap boldy. Kedergiler barshylyq, barlyq operator kompanııalar bul máseleni baqylaýda ustap tur»,-dedi mınıstr QR Úkimetiniń otyrysynda.

Osyǵan baılanysty ol QR Premer-Mınıstri Baqytjan Saǵyntaevtan atalǵan máseleni Eýrazııalyq ekonomıkalyq komıssııa aıasynda qarastyrý jaıynda tıisti memlekettik organdarǵa tapsyrma berýdi surady.

Bozymbaevtyń paıymynsha, bul óz kezeginde Eýrazııalyq eknomıkalyq odaq shartyna ózgertýler men tolyqtyrýlar engizý múmkindigin týyndatýy yqtımal.