Saǵyntaev zııatkerlik menshik quqyǵyn qorǵaıtyn sot qurý máselesin talqylady
ASTANA. QazAqparat - Búgin QR Premer-Mınıstri Baqytjan Saǵyntaev Investıtsııalyq ahýaldy jaqsartý jónindegi keńestiń kezekti otyrysyn ótkizdi. Bul týraly PrimeMinister.kz saıtynda habarlandy.
Keńes barysynda qatysýshylar QR-daǵy zııatkerlik menshik quqyqtaryn qorǵaý jáne kúsheıtý máselelerin, taýar belgilerin paıdalaný erejelerin buzý problemalaryn, sondaı-aq kontrafaktili ónim paıda bolǵan kezde týyndaıtyn táýekelderdi talqylady.
Budan ózge, Qazaqstanda zııatkerlik menshik boıynsha mamandandyrylǵan sot qurý perspektıvalaryn, sondaı-aq zııatkerlik menshik quqyqtaryn qorǵaý deńgeıiniń ekonomıkany tsıfrlyq transformatsııalaýǵa áseri talqylandy.
QR Premer-Mınıstriniń tóraǵalyǵymen Investıtsııalyq ahýaldy jaqsartý jónindegi keńes 2012 jylǵy 1 naýryzdaǵy Úkimet Qaýlysymen eldegi ınvestıtsııalyq ahýaldy jaqsartýǵa baılanysty júıeli máselelerdi sheshý úshin quryldy. Keńestiń negizgi maqsattary otandyq jáne shetel ınvestıtsııalaryn tartýǵa jáne tıimdi paıdalanýǵa kómektesý, sondaı-aq Qazaqstanda jumys isteý barysynda kezdesetin problemaly máselelerdi sheshý turǵysynan ınvestorlarǵa qoldaý kórsetý bolyp tabylady.
