Saǵyntaev jumys saparymen Bishkekke bardy
ASTANA. QazAqparat - Qazaqstannyń Premer-Mınıstri Baqytjan Saǵyntaev Eýrazııalyq Úkimetaralyq keńestiń (EÚAK) kezekti otyrysyna qatysý úshin Bishkekke jumys saparymen bardy, dep habarlaıdy QR Úkimetiniń baspasóz qyzmeti.
EÚAK jumysy aıasynda Baqytjan Saǵyntaev Qyrǵyz Respýblıkasynyń Premer-Mınıstri Sooronbaı Jeenbekovpen kezdesý ótkizdi. Kezdesý barysynda ekijaqty saýda-ekonomıkalyq qatynastar, shekara, kólik-logıstıka jáne energetıka salalaryndaǵy yntymaqtastyq məseleleri talqylandy.
Sondaı-aq, erteń EýrazEO-ǵa múshe elderdiń Úkimet basshylarynyń Qyrǵyzstannyń Prezıdenti Almazbek Atambaevpen ujymdyq kezdesýi josparlanǵan.
Aıta keteıik, Úkimetaralyq keńes - Odaq elderiniń Úkimet basshylarynan quralǵan EýrazEO organy. EÚAK EýrazEO týraly Kelisimshartty, halyqaralyq kelisimsharttardy jáne Joǵarǵy keńestiń sheshimderin júzege asyrýdy jáne olardyń oryndalýyn baqylaýdy qamtamasyz etedi.
