Saǵyntaev Jetisý aýdanynyń ár trotýaryna jaryq jetkizýge tapsyrma berdi
"Búgin Jetisý aýdanyn aralaǵan kezde kólik ınfraqurylymynyń obektilerine erekshe nazar aýdardym. Seıfýllın dańǵyly men Jansúgirov kóshesiniń qıylysyndaǵy jolaıryqtyń qurylysyn tekserdim. Joldyń tyǵyzdyǵy - almatylyqtar úshin ótkir másele. Jol jelisin keńeıtý jáne kólik ótkizý qabiletin arttyrý boıynsha jumystar júrgizý qajet",- dedi Baqytjan Saǵyntaev Feısbýktegi paraqshasynda.
Qala basshysy aýdan turǵyndarynyń ótinishi boıynsha aýdan ákimi Tájibaev Muhtarǵa aýmaqty abattandyrý máselesin sheshýdi, balalar alańdaryn salý men skverlerdi bólýdi tapsyrdy.
«Almaty qala jaryq» kommýnaldy kásipornynda boldym, qala kóshelerin jaryqtandyrý jáne ony bolashaqta damytý sharalarymen tanystym. Munda energııa jınaqtaýshy tehnologııany keńinen qoldanǵan mańyzdy. Ortalyqtan bastap móltek aýdandarǵa deıin árbir trotýarǵa, árbir aýlaǵa jaryq berilýi tıis. Jergilikti óndirýshilerdiń «aqyldy» jaryq kózderin ıgeretin ýaqyttary jetti. Utymdy sharalar qarjyny tıimdi jumsaýǵa múmkindik beredi ári qalanyń ár buryshyn tolyq jaryqtandyrýdy qamtamasyz etedi",- dedi B.Saǵyntaev.
