Saǵyntaev jetekshi qazaqstandyq ІT-kompanııalardyń basshylarymen keńes ótkizdi
ASTANA. QazAqparat - Búgin Úkimet úıinde Memleket basshysynyń Qazaqstan halqyna Joldaýynda kórsetilgen ІT-salasyn damytý jónindegi tapsyrmalaryn iske asyrý aıasynda Premer-Mınıstr Baqytjan Saǵyntaev ІT-salasynyń jetekshi qazaqstandyq kompanııalary basshylarynyń qatysýymen keńes ótkizdi, dep habarlaıdy primeminister.kz .
Bıznes qaýymdastyq ókilderi otandyq tsıfrlyq ındýstrııany damytýdaǵy óz pikirleri men usynystaryn bildirip, túıitkildi máseleler týraly aıtty. Sonymen qatar, búginde ІT mamandaryn taýarlardy, jumys pen qyzmetterdi memlekettik satyp alý rásimderin jeńildetý máseleleri; ІT-startaptardyń ınnovatsııalyq granttaryn bólý; salyq jeńildikteri men artyqshylyqtaryn usyný; MJÁ tetikterin jetildirý; elektrondyq kommertsııany yntalandyrý; otandyq mamandardy daıarlaý máseleleri tolǵandyrady.
Eske sala keteıik, otandyq ІT salany damytý máseleleri QR Premer-Mınıstri B. Saǵyntaevtyń «Innovatsııalyq tehnologııalar parki» AEA men Nazarbaev Ýnıversıtetin aralaýy barysynda talqylanǵan bolatyn.
Óz Joldaýynda el Prezıdenti tsıfrlyq ındýstrııany damytý barlyq ózge salalardyń damýyna serpin bolatynyn aıtty jáne Úkimetke atalǵan máseleni erekshe baqylaýda ustaýdy tapsyrdy. Osy oraıda Memleket basshysy tsıfrlyq tehnologııalardy qoldaný arqyly qurylatyn jańa ındýstrııalardy damytý mindetin júktedi.
