Saǵyntaev: Jappaı vaktsınalaný qalanyń qalypty ómirge oralýyna múmkindik beredi
ALMATY. QazAqparat - Almaty ákimi Baqytjan Saǵyntaev «Almaty» telearnasyndaǵy Akimat live baǵdarlamasynyń tikeleı efırinde qalalyqtar arasynda koronavırýs juqtyrý deńgeıiniń tómendegenin aıtty, dep habarlaıdy QazAqparat tilshisi.
18 mamyr kúngi aqparat boıynsha, bir táýlikte qalada 525 adam koronavırýs juqtyrǵan. Munyń ishinde sımptomdy, jeńil jáne ortasha deńgeıdegi belgilermen – 470, sımptomsyz – 55 naýqas tirkeldi, 3-pnevmonııa.
Barlyq emdelip shyǵarylǵandar – 320, kelip túskeni – 250.
«Infektsııalyq statsıonarlarda 2 837 adam bar (tósek-orynnyń jalpy sany - 6 060), onyń ishinde 100 bala emdelýde. Sondaı-aq, reanımatsııa jáne qarqyndy terapııa bóliminde 192 adam jatyr. Al 28 naýqas jasandy tynys alý apparatyna qosylǵan. Invazıvti emes jasandy tynys alý apparatynda 57 adam em qabyldaýdy jalǵastyrýda. High flow-da 77 apparat jumys isteıdi.
«Burynǵydaı, halyqtyń jumyspen qamtylýyna oraı sońǵy 14 kúnde koronavırýs juqtyrǵandar sany 8 196, munda jumys istemeıtinder arasynda tez taraǵan - 32,6% (2 670 adam), túrli JShS, JK, AQ - 22% (1806 adam), zeınetkerler - 22,% (1806 adam), mektep oqýshylary - 8,6% (676 jaǵdaı) jáne mektep jasyna deıingi balalar arasynda - 4,7% (385 jaǵdaı). Bul sanatqa stýdentter qosyldy (190 jaǵdaı - 2,3%). Keltirilgen sanattardaǵy turǵyndardyń jalpy úlesi 92%-dy quraıdy»,- dedi Baqytjan Saǵyntaev.
Infektsııany juqtyratyn naqty oryndar: ótken aptada aldyńǵy kezeńmen salystyrǵanda koronavırýs otbasylardaǵy baılanys arqyly 23 - 23,5% deńgeıinde qaldy.
Jumys ornynda baılanys kezinde juqtyrý úlesi 2,7% -dan 1,1% -ǵa deıin, týystarymen, kórshilerimen, dostarymen baılanys kezinde 4,3% -dan 2,8% -ǵa, sondaı-aq qala mańyna saıahat kezinde 1,6% -dan aıtarlyqtaı tómendedi.
Alaıda, otbasylyq is-sharalarǵa qatysý arqyly juqtyrýdyń 3,3% -dan 4,2%-ǵa deıin óskeni baıqaldy.
Almaty qalasynyń ákimi Baqytjan Saǵyntaev sanıtarlyq-epıdemıologııalyq qaýipsizdik sharalaryn umytpaýǵa jáne olarǵa nemquraıly qaramaýǵa shaqyrdy.
«Olardy saqtaý koronavırýs jaǵdaıynda ahýaldy turaqtandyrýǵa jáne vaktsınalaý úlesiniń artýyna yqpal etedi ári megapolıstiń burynǵy ómir yrǵaǵyna birtindep oralýyna múmkindik beredi. Ótken táýlikte Almatyda 3197 adamǵa vaktsına egildi»,- dedi ol.
Búginde Almatyda medıtsınalyq uıymdarda, mektepterde, mádenı jáne sporttyq mekemelerde, bazarlarda jáne qalanyń saýda-oıyn-saýyq ortalyǵynda 214 ekpe pýnktteri ashylǵan.
