Saǵyntaev jappaı salynyp jatqan turǵyn úı qurylysyna shaǵymdanǵandarǵa jaýap berdi
ALMATY. QazAqparat- Almaty ákimi Baqytjan Saǵyntaev salynyp jatqan turǵyn úı keshenderi qurylystaryna shaǵymdanǵan turǵyndarǵa jaýap berdi, dep habarlaıdy QazAqparat tilshisi.
Esep berý jıynynda, Áýezov aýdanynyń turǵyny ákimge qalada kóptegen turǵyn úı kesheni salynyp jatqanyna shaǵymdanyp, adamdarǵa kóbirek saıabaq, skver, áleýmettik nysandar qajet ekenin aıtty.
«Biz turǵyn úı salýdy toqtata almaımyz. Óıtkeni qala ulǵaıyp keledi jáne baspanaǵa qajettilik áli de bar. 30 myńǵa jýyq adam turǵyn úı kezeginde tur. Onyń ishinde memlekettik baǵdarlamalar da bar. Sonymen qatar, kommertsııalyq baǵytta da keshender boı kóterip jatyr, biraq onda balabaqsha da, mektep te, aýrýhana da qarastyrylmaǵan. ıAǵnı, ár sharshy metr bızneske, kóbirek aqsha tabýǵa baǵyttalǵan. Osydan keıin, sizder aıtqandaı, mektep, balabaqsha jetpeıdi», - dep jaýap berdi Baqytjan Saǵyntaev.
Sonymen qatar, ol turǵyn úı keshenimen birge mektepter men basqa da áleýmettik nysandardy salýdy mindetteıtinin aıtty.
