Saǵyntaev Japonııanyń Tótenshe jáne Ókiletti Elshisimen kezdesti
ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Qazaqstan Respýblıkasyndaǵy Japonııanyń Tótenshe jáne Ókiletti Elshisi Itıro Kavabatamen kezdesý ótkizdi, dep habarlaıdy primeminister.kz.
Kezdesý barysynda aǵymdaǵy jaǵdaı jáne Qazaqstan men Japonııa arasyndaǵy saýda-ekonomıkalyq, mádenı-gýmanıtarlyq jáne áskerı-tehnıkalyq yntymaqtastyqtyń perspektıvaly baǵyttaryn keńeıtý máseleleri talqylandy.
Anyqtama: 2016 jyly elder arasyndaǵy ózara saýda $1,1 mlrd (eksport - 558,6 mln, ımport - 552,9 mln) qurady. 2017 jylǵy qańtar-shildede atalǵan kórsetkish $769,1 mln-ǵa (eksport - 565 mln, ımport - 203,8 mln) jetti.
QR-ǵa japon ınvestıtsııalarynyń birlesken túsimi sońǵy 10 jylda $6,3 mlrd-tan asty. 2016 jyldyń qorytyndysy boıynsha tikeleı ınvestıtsııalar $470 mln qurady.
Qazaqstanda japon kapıtalynyń qatysýymen 70-ten astam kásiporyn bar, olar munaı men gaz, metallýrgııa, qarjy, taý-ken ónerkásibi, avtomobılderdi kóterme satý, elektr baılanys, jabdyqtardyń kóterme saýdasy, aǵash daıyndaý jáne logıstıka sııaqty salalarda jumys jasaıdy.
