Saǵyntaev jańa turǵyn úı keshenderiniń jobasymen tanysty
ALMATY. QazAqparat – Almaty qalasynyń ákimi Baqytjan Saǵyntaev qala ınfraqurylymyn damytý máselelerin qarastyrǵan birqatar ekijaqty kezdesýler ótkizdi, dep habarlaıdy QazAqparat tilshisi.
Baqytjan Saǵyntaev Meridiam kompanııasynyń Túrkııa men Eýrazııa boıynsha dırektory Omrı Geınsbýrgpen qoǵamdyq kólik jáne kommýnaldyq ınfraqurylym, áleýmettik mańyzy bar qurylys nysandaryn salý boıynsha ınvestıtsııalyq jobalardy júzege asyrýdyń yntymaqtastyq perspektıvalaryn talqylady.
Aıta ketsek, Meridiam kompanııasy ınfraqurylymnyń ornyqty nysandaryn qarjylandyrýdy jáne uzaq merzimdi basqarýdy ázirleýge mamandanǵan jahandyq basqarýshy kompanııa bolyp tabylady.
Al ákiminiń Ahsel Holding kompanııasy tobynyń dırektorlar keńesiniń tóraǵasy Ahmet Hamdı Aıanmen bolǵan kezdesýinde turǵyn úı nysandaryn salý boıynsha áńgime órbidi. Baqytjan Saǵyntaevqa zamanaýı turǵyn úı keshenderin, onyń ishinde quramyna qajetti búkil ınfraqurylym enetin qurylys jobalary kórsetildi.
Holdıngke enetin kompanııalar Qazaqstanda birqatar iri nysandardy saldy, onyń ishinde «Interkontınental Ankara» qonaq úıi, «Edelveıs» pen «Aqkent» turǵyn úı keshenderi bar.
Foto: almaty.gov.kz
