Saǵyntaev jańa mınıstrler aldyna mindetter qoıǵanyn aıtyp ótti
ASTANA. QazAqparat - Búgin Qazaqstan Respýblıkasynyń Premer-Mınıstri Baqytjan Saǵyntaev QR Prezıdenti Nursultan Nazarbaevtyń Qaýlysymen qaıta uıymdastyrylǵan Densaýlyq saqtaý jáne halyqty áleýmettik qorǵaý mınıstrliginiń ujymyna densaýlyq saqtaý mınıstri Eljan Birtanov pen eńbek jáne halyqty áleýmettik qorǵaý mınıstri Tamara Dúısenovany tanystyrdy, dep habarlaıdy primeminister.kz.
Úkimettiń jańa múshelerin tanystyra otyryp, Premer-Mınıstr Memleket basshysy Úkimet pen qaıta qurylǵan mınıstrlikterdiń aldyna densaýlyq saqtaý jáne halyqty áleýmettik qorǵaý salasyn ári qaraı damytýǵa baılanysty mindetter qoıǵanyn aıtyp ótti.
Baqytjan Saǵyntaev bıyldan bastap Prezıdent tapsyrmasy boıynsha nátıjeli jumyspen qamtý men jappaı kásipkerlikti damytýdyń jańa baǵdarlamasyn iske asyrý jumystary bastalatynyn aıtty. Densaýlyq saqtaý salasynda Mindetti áleýmettik medıtsınalyq saqtandyrý qory qurylǵan.
Premer-Mınıstr jańa mınıstrlerdiń kásibı tájirıbelerin atap ótip, olardyń basshylyǵymen Mınıstrlikter Memleket basshysynyń tapsyrmalaryn tıimdi atqarýdy jalǵastyratynyna senim bildirdi.
