Saǵyntaev jalaqy qoryna júktemeni ońtaılandyrýdy tapsyrdy
ASTANA. QazAqparat - Búgin Úkimettiń kezekten tys otyrysynda Premer-Mınıstr Baqytjan Saǵyntaev jalaqy qoryna júktemeni ońtaılandyrýdy tapsyrdy, dep habarlaıdy QazAqparat.
«Memleket basshysy atap ótkendeı, mindetti medıtsınalyq saqtandyrý engizýge baılanysty jalaqy qoryna qosymsha júkteme artady. Sóz zeınetaqy jarnasyna, tabys jáne áleýettik salyqqa, sonymen qatar josparlanyp otyrǵan jumys berýshiniń aýdarymdaryna qatysty bolyp otyr. Ulttyq ekonomıka, Eńbek jáne halyqty áleýmettik qorǵaý mınıstrlikterine múddeli memlekettik organdarmen birlesip, álemdik tájirıbeni zerdelep, olardy ońtaılandyrý múmkinshilikterine qatysty usynys engizýdi tapsyramyn», - dedi Saǵyntaev.
